Jibíjei jibjibííjei

Góðan daginn og velkomin á fætur

Jæja þá er komin þriðjudagur og mánudagurinn búin því lík speki ha Gærdagurinn fór meira og minna í að sitja við tölvuna frá kl 9-15 en ég var að taka lokapróf í félagsfræði og viti menn náði en veit ekki strax lokaeinkunn hjúkk Ekki gæti ég hugsað mér að vinna við það að sitja allan daginn við tölvuna var orðin ekki smá þreytt tók mér reyndar smá pásu til að næra mig. Nú styttist í minn uppáhaldstíma sem er sumarið held að það sé á næsta leyti alla vega komið brum á trén og páskaliljurnar í blóma ekki seinna vænna enda páskarnir búnir fyrir nokkru. Er búin að setja nokkrar kryddjurtir í potta hérna inni hjá mér og bíð spennt eftir að sjá hvað kemur skildi koma krydd eða hvað alla vega ekki í baukum haha. Myndavélin mín er búin að syngja sitt síðasta svo lítið verður um myndir hérna inni en hver veit læt aðra um það sem eru líka miklu betir myndasmiðir en ég og með flottar græjur kíki reglulega inn hjá honum en þeir sem ekki átta sig á um hver ég er að tala þá heitir hann Páll Jóhannesson og er stóri bróðir minn enda á ég bara einn minni Alla vega á hæðina held ég slá þeim öllum út hvað varðar hina hliðina á stærðinni En svona er nú bara Ísland í dag alla vega hér á suðurnesjum. Þótt að hlutirnir fari ekki alltaf á þann veg sem við óskum eftir er bara eitt til ráða að halda brosinu það skilar sér til baka með tímanum Langar ekki að tala um sorgina hún knýr dyra hjá öllu einhvern tímann en stundum kannski miklu fyrr en fólk reiknar með alla vega þegar ungt fólk í blóma lífsins er tekið burtu en þá sitja vonandi eftir góðar minningar sem fólk ætti að njóta og hugsa vel um hvert annað. Nú styttist í að sumarfrí fari að bresta á hjá manni og ferðaáætlun sumarsins verður hérna á suðvesturhorninu aðallega enda margir fallegir staðir sem hægt er að sækja heim. Hygg reyndar á að fara tvær ferðir út á land. Svo nú er um að gera fara taka fram tjaldið frá Seglagerðinni Ægir og athuga hvort það séu til vindsængur og dót til að hella upp á kaffi og þá er maður tilbúinn fyrir sumarið. Jæja læt nú mínum hugrenningum lokið í bili og kveð. HJ

Athugasemdir

[Ólöf Jóhanna Pálsdóttir, 27.4.2010 kl. 16:22]

Til hamingju með lokaprófið, ég veit þú hefur staðið þig vel. Já sumarið er á leiðinni Páskarnir búnir þó Páskaliljurnar mínar séu ekki farnar að blómstra en. Kannski hafa þær ruglast eitthvað í rýminu og blómstra um Hvítasunnuna, enda margt skemmtilegt að ske hjá okkur þá daga. Búin að sá fyrir sumarblómum og fá nokkrar frá Björgu, en hún var að grisja. Sól og sumar í sinni.  kveðja.

[Páll Jóhannesson, 30.4.2010 kl. 23:40]

Til lukku með lokaprófið  - mig minnir að ég hafi einhvern tímann sagt að þú tækir þetta með einarri - þó ekki Einari .  Já þetta með sorgina þá er það einu sinni svo að hún kemur og bankar uppá að manni forspurðum, það er jú partur af lífinu. Fegurðin í landslaginu okkar er sem betur fer allstaðar, bara ef maður opnar augun og lítur í kringum sig með jákvæðu hugarfari, þá sér maður allstaðar eitthvað sem heillar augað.  Þetta með hæð og breidd.....  ég er hærri þegar ég stend það er á hreinu - en það gæti svo sem vel verið að ég sé það líka þótt ég leggist flatur, hver veit.

e.s. þakka hólið um hæfni mína í ljósmyndun