Blessuð sólin elskar allt

Góðan daginn og velkomin á fætur

Já sólin elskar allt og kemur líka upp um mann Það hefur verðið alveg yndislegt veður hérna sólin skín bjart en það er samt ansi kalt. Svo tekur hún upp á þvi að skína á allt sem fyrir henni er og þar af leiðandi rykið og drulluna hjá manni En samt er hún okkur nauðsynleg og alltaf fæ ég orku þegar hún skín svo skært enda veitir ekki af orku núna í pásunni frá þrifunum 

Var að vinna síðustu tvær nætur. Mikið er ég nú stolt af mínum börnum. Í gærkvöldi hringdi Ævar í mig en hann var að vinna. Hann vinnur sem pizza sendill hjá Dominos. Spurði mig um símanúmerið á sambýlinu sem ég er að vinna á Það kom til þeirra pöntun sem átti að afgreiða í Hafnarfirði en ruglingur varð svo eftir stóðu þau með nokkrar pizzur sem enginn átti hérna suðurfrá Þessi elska hringdi og bauð fólkinu á sambýlinu fríar pizzur sem þau þáðu með þökkum Fallega hugsað hjá honum að vilja gleðja aðra en ekki að hugsa bara um sjálfan sig

Mikið getur nú tónlist gert mikið fyrir mann alla vega mig. Er núna með musikina á fullu að hlusta á Sálina og Gospel það er að mér finnst hrein snilld Hlusta mikið á íslenska tónlist og þar á meðal Papana sem ég kalla stundum meðalið mitt við depurð og þunglyndi það er ekki annað hægt en að komast í gott skap við að hlusta á þá Enda eru þeir komnir í geislaspilarann núna

Sævar karlinn komin í páskafrí í skólanum og finnst að ég held fullt að þurfa að taka sér frí Hann er á fullu núna við að keyra okkur foreldrunum í æfingarakstri og gengur mjög vel enda ekki við öðru að búast Styttist í Færeyjar ferð hjá hinum syninum en hann fer á mánudaginn 

Verð svo sjálf að vinna á skírdag og annan í páskum á meðan hinir í fjölskyldunni eru bara í frí og gera ekki neitt Enda verður einhver að vinna fyrir heimilinu Læt nú þessu lokið í bili og kveð. Sólarkveðjur úr Njarðvíkurborg. HJ

Athugasemdir

[Ólöf Jóhanna Pálsdóttir, 14.3.2008 kl. 15:51]

Þetta með rykið dragðu bara niður gluggatjöldin. Skilaðu kveðju til Færeyjar farans og víst var hann sætur í sér eins og ævinlega að gefa sambýlinu pissur. Ég gaf pabba þínum líka pissu í gær, sem ég bakaði sjálf. Kveðja til ökumannsins unga.

[Páll Jóhannesson, 14.3.2008 kl. 23:11]

Ég er sammála þér í músíkinni ,,íslenskt já takk". Bið að heilsa öllum.

[Dagbjört Pálsdóttir, 15.3.2008 kl. 01:43]

Tek undir með þér með Sálina & gospelið, góð blanda  Stelpurnar mínar aftur á móti dýrkuðu alveg papana & var eitthvað lag í uppáhaldi hjá þeim sem innihélt í textanum "éta mat, éta mat" en þegar þær voru yngri þá sögðu þær alltaf "grét´amma" eins & í Gréta amma, fannst þetta alveg passa

Skilaðu svo góðri ferðakveðju til Ævars, spyr ekki að góðmennskunni í honum, er það ekki annars í ættinni

[Jói litli bró (IP-tala skráð) 15.3.2008 kl. 13:15]

Hva! ertu ekki íslendingur? Vera bara eins og sannur Íslendingur hætta að vinna og skella sér bara á bætur.Já Paparnir klikka ekki,svo er nú alveg frábært að skella Marlyn Mansson á fóninn eða Motorhead og allt þunglyndi er á bak og burt he he.Já Ævar er nú eingum líkur,segðu honum að passa sig á gellunum í Færeyjum:)Hugsaðu þér litla barnið þitt að fara að fá bílpróf,og þú sem ert rétt skriðin yfir 25 árin.Og þetta með rikið það fer nú ekkért frá þér,hér er nú sólin farin að láta sjá sig.Og að sjálfsögðu var ég snöggur að draga fyrir:)

[Margith (IP-tala skráð) 16.3.2008 kl. 20:20]

Já alltaf gaman þegar sólin skín  Óska Ævar góða ferð og mikla skemmtun . Vorkveðjur frá okkur í Danmörk .

[Vallý (IP-tala skráð) 17.3.2008 kl. 00:05]

Heyrðu Hrönsa mín .

Bíddu nú við

Ertu flutt í Njarðvík

Hér í Njarðvíkurborg er  nefnilega  alltaf logn  og sól

Það er annað en Keblavíkini alltaf rok og rigning

  sý jú

       

[Hrönn Jóhannesdóttir, 18.3.2008 kl. 13:42]

Heyrðu Vallý mín það fer dálítið í taugarnar á mér að vera kölluð Hrönnsa. Hef ekki verið kölluð annað en mínu nafni. Já ég bý í Njarðvíkurborg nánar tiltekið í keflavíkurhverfi Sólarkveðjur úr Njarðvíkurborg

[Vallý (IP-tala skráð) 19.3.2008 kl. 08:09]

Vó Vó Bið innilegar afsökunar hér.

[Hrönn Jóhannesdóttir, 19.3.2008 kl. 08:36]

Ekkert að afsaka Gleðilega páska og njóttu þeirra vel