Sumarið er tíminn

Jæja gott fólk þá er best að nota tíman sem aðrir eru vonandi sofandi og skrifa Er nefninlega að vinna á næturvakt og sem betur fer rólegt eftir annars annasama byrjun á vakt Nóg um það. Við hjónin erum að spá í að fara í eitt stykki útilegu ef veðurspáin stenst Höfum ekki farið svoleiðis í mörg herrans ár og hvað þá bara við tvo úllalla Vorum að spá í að skreppa á Þingvöll eða þar sem sólin er Reyndar er hún yfirleitt þar sem ég er En langar að skreppa aðeins út úr bænum ekki of langt enda kemst maður ekki langt á þeim launum sem maður er á og bensínverðið upp úr öllu valdi enda kannski bara í Laugardalnum Maður verður að vera á ansi góðum launum nú til dags til að geta leyft sér eins og eitt stykki sumarfrí og hvað þá að fara eitthvað er svo allt önnur ella Jæja en svo var ég að fá skemmtilegt bréf en svo er nú málum farið að það eru komin umm að ég held þrjátíu ár síðan að við sem vorum saman í bekk í Glerárskóla forðum enduðum okkar skeið í skólanum og ætla þau að reyna að fá sem flesta til að hittast á þessum tímamótum Reyndar höfum við hist nokkrum sinnum áður en núna hittist svo á að þetta verður helgina sem að Ljósanótt er haldin hérna og ekki á ég von á því að sleppa henni enda verður nóg að gera hjá mér næstu árin vonandi Sótti um í tveim skólum og fékk inngöngu í þá báða en annar skólin var Keilir net á Vallarheiði sem ég afþakkaði enda á svo lágum launum að ég hefði þurft að taka mér lán til að borga fyrir mig Hin skólinn sem ég sótti um er Kennaraháskólinn sem heitir núna Háskóli Íslands Menntasvið sem ég fer á en ætla að fara í Þroskaþjálfanám fjarnám til að byrja með alla vega og er þetta BA nám sem tekur þrjú ár svo eins gott að bretta upp ermarnar ef maður ætlar að stunda nám og vinna með 80% vinnu Við erum tvær sem förum í þetta saman erum að vinna á sama stað og svo er ein önnur sem er að vinna með okkur sem er á þriðja ári í sama skóla og við svo nóg verður að gera að púsla saman vinnu og námi fyrir okkur Jæja en nóg um þetta raus um nóttu og vona ég að allir eigi góða nótt og ljúfa drauma Takk fyrir kveðjuna Björg var þetta ekki það sem þú meintir? Kveð að sinni. HJ

Athugasemdir

[Margith Eysturtún, 4.7.2008 kl. 08:10]

Já sólinn er góð. Til hamingju með skólann, fer bara að ganga vel. Kveðjur úr danaveldi

[Björg (IP-tala skráð) 4.7.2008 kl. 09:56]

jú svo sannarlega var þetta það sem ég átti við ,,og enn og aftur til hamingju , og góða ferðahelgi í blíðunni

[Ólöf Jóhanna Pálsdóttir, 5.7.2008 kl. 17:16]

Til hamingju með skólann og mér líst vel á það sem þú ert að gera. Vonandi eigi þið góða helgi í tjaldútilegunni. Um að gera að halda í svona siði, fara að tjalda og rifja upp útilegur í denn.

[helga (IP-tala skráð) 6.7.2008 kl. 03:47]

Magnað að þú fékkst inngöngu í skólann !!

Tl lukku

búin að setja þig sem link á mitt blog

knús Helga

[Dagbjört Pálsdóttir, 7.7.2008 kl. 14:54]

Til hamingju með skólann  Þér mun örugglega ganga vel eins & í flestu sem þú tekur þér fyrir hendi  Bara skemmtu þér vel í náminu & auðvitað útilegunni ykkar Gústa  Bestu kveðjur að norðan

[Páll Jóhannesson, 7.7.2008 kl. 17:24]

Til hamingju með þetta! Vegna anna var ég fyrst að sjá þetta í dag - flott hjá þér.